Ағымдағы жылдың 5 қазанынан бастап  Жамбыл облыстық фтизиопульмонология  орталығының  мониторинг және бағалау тобы Шу ауданында туберкулезді ерте анықтау бойынша әдістемелік – ұйымдастыру  қолдау көрсетуде.

Мониторингтік сапарлар аясында Шу аудандық орталық ауруханасы, «Бірлік» және «Абай» медициналық амбулаториялары, сондай-ақ Шу қалалық емханасы мен қалалық ауруханасы қамтылды. Сапар нәтижелері эпидемиологиялық сырқаттанушылық көрсеткіштерінде оң үрдістің байқалатынын және халықты флюорографиялық скринингпен қамту деңгейінің нысаналы көрсеткіштерге жеткенін көрсетеді.